٣ ڤيتامينات ضرورية للاطفال و الرضع تقوي المناعة و تحمي من الامراض و تزيد الذكاء

لمشاهده الفيديو بدلا عن قراءة المقال اضغط هنا

اضرار الحليب للأطفال و ايه الكميه المسموحة و البدايل لو الطفل رافض الحليب او مصاب بحساسيه البان

الأطفال في اول سنه من عمرهم بيستمدو كل طاقتهم و غذائهم من الحليب سواء حليب صناعي او حليب الأم او مزيج من الاتنين

و بعد عمر السنه ممكن حليب الأم يستمر لعمر سنتين لكن الحليب الصناعي الأفضل يتسبدل بحليب بقري طبيعي بشكل تدريجي لاكثر من سبب اهمهم ان الحليب الصناعي المخصص للأطفال بين عمر سنه و ٣ سنوات فقير في كثير من العناصر المهمة للطفل و اللي يأكد دا ان هتلاقو مكتوب عالعبوه قدمي لطفلك احتياجاته من العناصر الغذائيه 

برضو غني بالسكر و دي حاجة بتضر الطفل و بتسبب تسوس الاسنان و بتسد شهيته عن الاكل و بتسبب برضو مشاكل في السلوك زي نوبات الغضب

و أخيرا بيشكل عبئ مادي رهيب عالاسره لان اسعارهم غاليه مقارنه بالحليب البقري و كمان الطفل كبر فبيحتاج كميات كبيره العلبه ما بتكفيش معاه يومين تلاته 

مشكلتنا الاساسيه بتكون في اختيار افضل نوع حليب بقري للطفل و كمان الكميه اللي المفروض نديهالو عشان نضمن انه بياخد كل احتياجاته من الكالسيوم بدون ما يأثر بشكل سلبي علي شهيه الطفل للاكل 

تعالو الاول نشوف ايه فوائد الحليب للطفل بعد عمر السنه 

رغم ان الطفل بعد عمر السنه مش بيكبر بنفس السرعه الرهيبه اللي كانت قبل عمر السنه الا انه لازال محتاج كميات كبيره من الطاقه و العناصر الغذائيه المهمة اللي لو ما اخدهاش بالكميات المطلوبه مع الأسف نموه و تطور مهاراته بيتأثرو بشكل سلبي و بيعاني من سوء تغذيه و ضعف المناعه

الاكاديميه الامريكيه لطب الأطفال أعلنت ان افضل مشروبين علي الاطلاق تقدميهم لطفلك بعد عمر السنه هما المايه و الحليب 

الحليب هو كنز غذائي للأطفال لان كل كوبايه حليب كامل الدسم فيها 

١٥٠ سعر حراري 

٨ جرام بروتين

٨ جرام دهون صحيه

٤٣٪ من احتياجات الجسم اليوميه للكالسيوم

١٨٪  من احتياجات الجسم اليوميه البوتاسيوم

دا غير الفايتامينات و المعادن المهمة زي فايتامين الف و الزينك مثلا اللي هما مهمين جدا للمخ 

عشان كدة مهم جدا نقدم للطفل الكميه المناسبه اللي جسمه محتاجها علي حسب عمره

يعني الطفل من عمر سنه لسنتين محتاج من كوبيتين ل ٣ كوبيات يوميا من الحليب البقري كامل الدسم

ممكن نستبدله بحليب منزوع الدسم علي عمر السنتين بعد استشاره الطبيب

و بين عمر سنتين ل ٥ الطفل محتاج من كوبايتين لكوبايتين و نص من الحليب البقري كامل الدسم و طبعا ممكن نستبدله بمنزوع الدسم لو حبينا

طبعا كلنا عارفين القاعده العامه اللي بتقول ان الشيء اذا زاد عن حده انقلب ضده 

يعني رغم ان بنقول  ان كل المكونات دي مهمة جدا و مفيده للجسم و المخ الا ان زيادتها ممكن تسبب بعض المشاكل الصحيه 

لو قدمنا للطفل اكثر من احتياجاته من الحليب بين عمر السنه و ال ٣ سنوات 

شهيته هتضعف عن الاكل لانه الحليب بالنسبالهم وجبه غذائيه متكامله بتملى معدتهم الصغيره و تشبعهم تماما لفتره طويله فافضل وقت نقدم فيه الحليب للطفل هو وقت الاكل بعد ما يخلص اكله كمشروب يختم بيه الوجبه و ما نقدموش اطلاقا بين الوجبات كسناك او مشروب للعطش و نستبدله بمايه 

برضو زياده شرب الحليب عن الكميه السموحه بيسبب مرض فقر الدم او الانيميا لان طبعا الحليب غني بالكالسيوم اللي هو بيتنافس مع الحديد علي نفس النواقل الكيميائيه فوجود كالسيوم كتير في معده الطفل هيمسك في اغلب النواقل الكيميائيه المتاحة و يتبقي شويه صغيرين يمسكو في الحديد الموجود في معده الطفل و نقص امتصاص الحديد طبعا يسبب انيميا و كل المشاكل المتعلقه بيها زي ضعف الذاكره و المناعة

و بعض الأبحاث بتقول ان في علاقه بين شرب كميات كبيره من الحليب البقري و الإمساك فنحاول نلتزم بالكميه المسموحة لكل عمر و لو الطفل برضو بيعلني من امساك او اسهال لا قدر الله نستيشر الطبيب فورا لان ممكن يكون مصاب بحساسيه البان

يادكتورة طفلي رافض اللبن البقري و انا خايفه يحصله نقص كالسيوم

في فعلا أطفال ما بيتقبلوش طعم الحليب البقري من اول مره فحاولي تدخليه بالتدريج بإنك تخلطي كميه صغيره مع الحليب الصناعي و كل فتره تزودي نسبه الحليب البقري للحليب الصناعي لحد ما تتخلصي من الصناعي تماما بس خلي بالك لازم الحليب البقري يتقدم للطفل في كوبايه مش في الببرونه او زجاجة الرضاعه  عشان الطفل يتقبله أصلا 

طيب لو طفلك برضو مش متقبل ياخد الكميه الكافيه من الحليب البقري 

قدميله اكلات بيدخل في تكوينها الحليب 

زي مثلا 

الزبادي 

الجبنه 

البودينج او الكريم كراميل و ماشابه

و ممكن برضو تقدميله أصناف تانيه بس غنيه بالكالسيوم زي

السمك

الخضروات الورقيه زي السبانخ و الجرجير

البروكلي 

البقوليات

الثين المجفف

او حبوب الإفطار المدعمه بالكالسيوم زي الكورنفليكس

طيب لو طفلك عنده حساسيه امن حليب البقر تتصرفي ازاي 

طبعا تزوري طبيب الأطفال المختص و هو يوصفلك انسب نوع لبن غير حيواني زي مثلا حليب الصويا اللي هو يعتبر اقرب نوع حليب نباتي مكافئ تقريبا في القيمه الغذائيه للحليب البقري بس لو طفلك عنده حساسيه من الصويا هتضطري تشوفي مع طبيبك بدائل تانيه و ممكن يوصفلك مكملات غذائيه تعويضيه في صوره ادويه 

و ختاما عايزة افكركم بالكميه المسموحة للأطفال من الحليب البقري هي كوبايتين ٣ اكواب من عمر سنه لسنتين و كوبين لكوبين و نصف من عمر سنتين ل ٣ فنحاول نلتزم بيها عشان نقدم للطفل كل احتياجاته بدون ما نضره 

ماتنسوش تشوفو باقي حلقات تغذيه الأطفال عالقناه و خاصه حلقات الاطعمه التي تزيد الذكاء و توقي الذاكره و الانتباه و انتظروني بحلقات اجمل ان شاء الله

دمتم في صحه و سعاده