٣ ڤيتامينات ضرورية للاطفال و الرضع تقوي المناعة و تحمي من الامراض و تزيد الذكاء

 

اضغط هنا لمشاهده الفيديو بدلا عن قراءة المقال 

سنتعرف اليوم علي سر سحري مضمون لزيادة كثافة الشعر للاطفال و تطويله و تنعيمه عند الاطفال و الكبار 

السر دا انا عرفته من صديقه هندية و قالتلي بيستخدموه للطفل من و هو رضيع و كلنا عارفين جمال شعر الهنود و بنحلم بيه فتابعوني لاخر الفيديو لان في الاول هقول شوية نصايح مهمة جدا لصحة الشعر لازم كلنا نعرفها و اضغطو يلا لايك و اشتراك في القناة و ماتنسوش خدمة الاستشارات المجانيه في التعليقات اللي بقدمها لمشتركين القناة

حلم كل ام طفلها يتمتع بشعر جميا لان فعلا الشعر تاج الرأسو من وقت الحمل بتقعد تتخيل شعر الطفل

 و في بتوسع منهم شوية زي حالاتي و يسألو الدكتور عنده شعر ولا لا و لونه ايه 

و بعدين نتصدم 

بعضنا بيتصدم لحظة الولادة لما يطلع البيبي بدون شعر و الباقيين بينصدمو عالشهر الرابع لما الشعر الحميل اللي نزل بيه يقع و يبقي البيبي بدون شعر 

عايزة اطمنكم ان دا طبيعي جدا و بنسبة كبيرة جدا شعر الولاده لازم يقع و يطلع بداله شعر الحياه

 و شعر الولاده ما بيدلش اطلاقا علي طبيعه الشعر اللي هيطلع بعد كده سواء في لونه او نعومته او كثافته 

بس الحمد لله في حاجات كتير نقدر نعملها تساعدنا نحسن شعر اطفالنا 

اول نصيحة هي التغذية الجيدة 

اتفاجئتو ؟

طبعا الغذاء الصحي المتكامل بيساعد جدا في نمو و صحة الشعر و اي نقص في فايتامينات معينة زي فايتامين ِ مثلا و عناصر معينه زي الزينك مثلا بيسبب تلف و تكسير و تساقط الشعر 

فلما البيبي يتم ٦ شهور نركز اوي عالاصناف الغنيه بفايتمين الف 

زي مثلا القرع العسلي، الجزر، المانجو

 و الاطعمه الغنية بفايتامين باء

زي البسله، اللحمة، البيض، الحبوب الكامله ، البطاطس

برضو الخضروات خاصه الورقيه لانها غنيه بالحديد

و اللوز ياجماعه فوايده عظيمه جدا لوزه واحده لطفلك يوميا هتديلو عناصر مهمة جدا لجسمه و مخه و طبعا شعره بس احنا متفقين لو طفل اقل من ٥ سنوات بنديله المكسرات مطحونه و تقدرو تضيفوه علي اكل البيبي من عمر ٦ شهور بعد اختبار الحساسية

خلو بالكم بعض الامراض بتأثر بالسلب علي شعر الطفل زي مثلا الانيميا و امراض الغده الدرقيه فمهم اوي نعالج اي مرض موجود قبل ما نلجأ للاساليب المساعده عشان نلاقي نتيجة كويسه

في بقي شويه نصائح مهمة في روتين العنايه بشعر البيبي عشان نحسن جودته

زي تمشيط راس البيبي بالفرشه الخاصه بيه بالذات بعد ما نضيف زيوت معينه هنذكرها كمان شوية 

فايده التمشيط انه بينشط الدوره الدمويه في فروه الراس و بيزودوصول الدم لبصيلات الشعر و بالتالي بيزود وصول الغذا ليها و يحسن صحتها

كمان بيشيل اي خلايا ميته و قشور في الجلد و يعمل تهويه و حرية للشعر

غسل الشعر باستمرار عالاقل مرتين ل ٣ اسبوعيا بعد ما البيبي يتمر ٤٠ يوم عشان نشيل العرق و الاوساخ المتراكمة في مسام فروه الراس و نتخلص من قشر الراس لو موجود

و نستخدم بلسم مناسب للاطفال عشان نحافظ على طراوة الشعر 

مهم برضو نستخدم فوطه ناعمه و احنا بنجفف شعر البيبي و نجفف بالطبطبه مش فرك و دعك لان العنف في شعر الفوطه او طريقه التجفيف ممكن تدمر بوصيلات الشعر الضعيفه اللي لسه بتنمو

و عشان كده برضو نخلي بالنا جدا و احنا بنمشط الشعر و نستخدم الفرشه المخصوصه للشعر المبلول و المتشابك 

اهم نصيحة ان احنا مانربطش الشعر اطلاقا و خاصه شعر البنات و ديل الحصان اللي كل الامهات بتعشقه و بيعملوه بضمير و احكام شديد و بعدين يستغربو ان الشعر رجع لورا و الجبهه بقت عريضه

من النصايح برضو ان احنا نغطي شعر البيبي و احنا خارجين خاصه لو كان الجو برد او شمس عشان نحمي شعر البيبي و فروه راسه من الجفاف و التراب

تعالو بقي نشوف الزيوت و السر الخطير بتاعنا 

اولا الزيوت 

بعض الابحاث و التجارب بتنصح باستخدام زيت جوز الهند كمساج لشعر البيبي و فروة الرأس لمدة عشرين دقيقه و بعدين نمشطه بخفه و نغسل الشعر

 و بيستندو في اهميته لانه غني بفايتامين اي اللي قولنا مهم جدا لصحة الشعر بس الحقيقه من تجربتي الشخصيه لاحظت انه بينشف الشعر جدا 

زيت الخروع من تجارب كتير و ابحاث اثبتت انه بيساعد علي نمو الشعر و بيملى الفراغات اللي في فروه الراس و ممكن يستخدم كدهان بعد الاستحمام و قبل التمشيط او كحمام زيت قبل الاستحمام بعشر دقايق و التمشيط او تدليك فروه الراس قبل غسيله

زبدة الشيا 

دي بقت موضه العصر و تقريبا بنستخدمها في كل حاجة من جمالها

بتساعد علي نعومه الشعر و بتقلل الهيشان جدا بس مهم اوي نختار النوع الاصلي الخام بدون اي اضافات و عشان نحسن ريحتها ممكن نضيف مثلا زيت جوز الهند او عود او مخمليه الشعر و دي هتلاقوها في محلات العطور العربية

السر بقي الخطير بتاعي مش هتلاقوه في اي مكان

هو زيت الخردل 

عارفين حبوب الخردل اللي بتستخدم لصناعه المسترده اللي هي صوص اصفر كده بيستخدم في الاكل و التتبيلات 

الزيت بتاع الحبوب دي بقي 

مانكرش ان ريحته مش لطيفه بس تأثيره رااائع علي الاطفال و الكبار 

اولا بيزود كثافه الشعر و حقيقي عن تجربه بيطلع شعر في الاماكن الفاضيه

ثانيا بيقوي الشعر جدا فاللي شعره ضعيف بيتساقط هيلاحظ انه بقي قوي و حتي لو شدتيه و تعمدتي تقطعيه مش هتعرفي والله برضو عن تجربه فدا مفيد جدا جدا للامهات خاصه اللي بترضع لو تعرفو واحده بتعاني كده ابعتولها الفيديو صدقه تنقذها

برضو بينعم الشعر و يطريه و يديلو لمعان جميل 

بيطول الشعر و مافيش اثبات اكبر من شعر الهنود اللي كلنا بنحلم بيه

نستخدمه ازاي

لو تقدرو تستحملو ريحته استخدموه كدهان للشعر بعد الغسيل و قبل التمشيط و سيبوه عالشعر

لو مش مستحملين الريحة يبقي حمام زيت قبل الاستحمام بنص ساعه و نمشط الشعر قبل الاستحمام برضو او ندلك فروة الراس عشان نحفز الدور الدمويه و نساعد علي امتصاصه 

من تجاربي المتكرره هتلاقو نتيجة في خلال يومين الي اسبوع حد اقصي و هتدعولي جدا ان شاء الله 

في مكونات غير الزيوت بتساعد جدا في صحة السعر و نعومته 

زي عصاره الصبار و دي تقدرو تلاقوها في اماكن كتير و تقدرو برضو تشترو الصبار نفسه و تقطعوه و تطلعوها و يفضل طبعا نستخدم النوع الخام بدون اي اضافات و ممكن نخلطه مع البلبسم و نعمل بيه ماسك للشعر قبل الاستحمام بعشر دقايق

برضو من المكونات الغريبه اللي سمعت عنها بس ماجربتهاش الحقيقه هو الجيلاتين 

يقال انه غني بالاحماض الامينيه المهمة جدا لصحة الشعر و طريقه الاستخدام بتكون بخلط معلقه صغيره من الجيلاتين مع كميه صغيره من المايه بحيث الخليط مايكونش لزج اوي او سايل اوي و نحطها كماسك علي شعر البيبي قبل الاستحمام ب١٠ او ١٥ دقيقه و ممكن نضيف عليها العسل الابيض لانه غني بمضادات الاكسده او خل التفاح لانه بيحفز نمو الشعر 

اللي تجربها تعرفنا النتيجة جزاها الله خير

من امتي ينفع نحط زيت علي راس البيبي 

في ابحاث بتقول من لحظه الولاده بس انا ما بحبش ابدا اعرض راس البيبي لاي حاجة قبل ٦ شهور لحد ما الغشاء المحيط بالمخ يكتمل نموه و يعزل المخ تماما عن اي حاجة خارجيه

اتمنى تكون الحلقه عجبتكم و اثبتو وجودكم بتعليق جميل و انتظروني في حلقات اجمل ان شاء الله دمتم في صحة و سعادة