٣ ڤيتامينات ضرورية للاطفال و الرضع تقوي المناعة و تحمي من الامراض و تزيد الذكاء

 اضغط هنا لمشاهده الفيديو بلا من قراءة المقال

اليكي سيدتي بعض الافكار الجميله و الطرق السحريه اللي تخلي الطفل يحب ياكل الخضروات و هأقولكم سر رهيب مش هتسمعوه من حد تاني في اخر الفيديو فتابعوني للنهايه و ابعتو الفيديو لكل حبايبكم

كلنا عارفين ان دايما الحاجة المفيده طعمها مش لذيذ و عشان كده بيكون صعب جدا نقنع الطفل ياكل الخضار المفيد بطريقه مباشره و بنحتاج نوعا ما نخدعه عشان يتقبله 

افضل طريقه طبعا هي التعرض المباشر المستمر 

يعني من اول ما نقدم للرضيع الاكل نقدمله خضار الاول قبل اي شيء و حتي لو رفضه مانفقدش الامل و نغير طريقه تحضيره و نقدمه تاني بعد كام يوم كصنف جديد 

و لو طفل كبير شويه دايما نخلي الخضار جزء من وجبته و نطبق مثل الزن عالودان امر من السحر 

يعني لو قدمنا للطفل خضار ٥ مرات علي مدار اليوم اكيد في مره او اتنين هيجرب فعلا ياكله و ممكن يتقبله وقتها

فكره ان الطفل يشوف الخضار كتير هتخلي فيه احتمال يلمسه في مره و في مزه تانيه يلحسه و مره تانيه يمضغه و مره منهم هيبلعه و نبقي انتصرنا الحمد لله

 و مش شرط تقدميه بكميات كبيره 

ممكن حبه بسله علي طبق الفطار تكون كافيه جدا ان الطفل يتقبلها و ياكلها و مع الوقت تقدري تزودي الكميات بالتدريج 

فارجوكم ماتفقدوش الامل ابدا و استمرو في المحاولات المستميته بدون ضغط علي الطفل بطرق عنيفه و تأكدو مهما طال الوقت هتكسبو في النهايه ممكن بعد ايام ممكن بعد سنين بس في الاخر هتنتصرو

الحيله التانيه بتاعتنا هي عدم الضغط علي الطفل 

يعني نحط الخضار للطفل مع وجبته بدون اي ضغوط عليه عشان ياكله ولا رشاوي ولا تهديد و لا اي حاجة اطلاقا و حتي لو الطفل عبر عن رفضه للخضار اللي قدامه نتقبل دا بكل هدوء و نقوله انت مش حابب تجربه مافيش مشكله خالص هو بس هيفضل في الطبق لحد مانخلص اكل و نشيله

ممكن اوي بمجرد مانشيل اي ضغط من عالطفل و نحسسه انه فعلا متحكم في اختياراته بالنسبه للاكل دا يخليه يفكر يجرب الخضار فعلا من نفسه و يحبه و نبقي كده كسبنا المعركه 

السر بتاعنا بقي

انا عايزه بس في الاخر اطمنكم ان مافيش طفل هيموت نفسه من الجوع ابدا و كمان الاطفال بين عمر السنه و الربع سنين بيحسو باحتياجات جسمهم و تلاقيهم اخدوها علي مدار الاسبوع 

فممكن اوي تلاقيه بياكل حلو اوي النهارده و بياكل كل حاجة و بكره و بعده عايش عالهوا دا طبيعي جدا و مع الاوقت الموضوع دا هيتحسن لوحده

الحيله التالته و الاخيره هي اللعب اللي هو منقذنا و سر سعادتنا هنا في القناه 

حولو الاكل و ووقته للعبه جميله مسليه

خلو الطفل يأكل نفسه و يبهدل الدنيا و يستكشف و يلعب بالاكل لان هيستمتع جدا و هياكل اكتر بكتير من لو اكلتيه بنفسك حتي لو ظهرلك عكس كده 

حاولي تغيري في طريقه تقديم الاكل من وقت للتاني و كذلك الادوات اللي بيستخدمها و دايما سوقي لبضاعتك كويس و اعرضيها بطريقه جذابه ممكن بكلمه واحده تخلي الطفل يلتهم طبقه

زي مثلا لما عملت لابني نفس ذات الفطيره اللي بعملها دايما و انا بقدمهالو قولتله النهارده هناكل قمر منور و نحوله لهلال مقور و عجبته جدا الفكره و كان بيضحك مع كل قطمه عشان بيقرب من الهدف و هتبقي علي شكل هلال فعلا و زي برضو لما قدمتله نفس مشروب الحليب بالشوكلاته و قولتله النهارده هنشرب بركه طين في كوبايه طبعا مثال يبان مقزز بس بالنسباله كان ممتع جدا لانه بيعشق برك الطين اللي بتعملها الامطار و بيحب يتنطط فيها 

و يمكن اللي بيبهره اكتر انها حاجة جديده مختلفه بتثير خياله و تكسر الملل و الروتين

ركزي بقي في تحويل الخضار بالذات لافكار لعبيه ممتعه

زي مثلا البروكلي يبقي شجره و ممكن تحطي فوقها زتونه مثلا و تكون دي قطه

ممكن تعملو نفسكم ارانب و نفسكم تاكلو جزر ممكن تسمو الخضار اسامي ظريفه مضحكة

و دلوقتي هقلوكم عالسر الخطير اللي هيخلينا ننجح في المهمة بامتياز

دايما احرصو علي ان وجبه الطفل يكون فيها صنف او اتنين بيحبهم جدا و صنف واحد جديد او مش بيتقبله و استمرو في تقديمه مع وجبات مختلفه و تاكدو ان في مره من المرات هيجرب الصنف الجديد و ممكن اوي يتقبل طعمه و يحبه

و احذرو انكم تقدمو للطفل صنف جديد او صنف ما بيحبوش لوحده علي اساس تضغطو عليه و تجبروه ياكلو عشان جعان و مافيش غيره 

انتو اه ممكن تكسبو المعركة و الطفل ياكله النهارده بس خسرتوها للابد لان الصنف دا ارتبط في مخ الطفل بذكرى سيئه و تجربه مؤلمه فيها قهر و انكسار و هيبقي صعب جدا نغير دا فخلو بالكم ارجوكم

نكتفي بكده النهارده و انتظروني في حلقات جايه بنصايح اجمل ان شاء الله

دمتم في صحة و سعاده